Մենք առաջարկում ենք ավանդական բաղադրատոմս «Դոնաթների» համար:
Բաղադրիչներ`
- Կաթ – 250 մլ
- Հում խմորիչ – 50 գր:
- Շաքարավազ – 3 ճաշի գդալ
- Ցորենի ալյուր- 500 գր:
- Աղ – 1 պտղունց
- Վանիլային շաքարավազ – 1 ճաշի գդալ
- Ձու – 5 հատ
- Կարագ – 4 ճաշի գդալ
- Սպիրտ – 2 ճաշի գդալ
- Թանձր մուրաբա կամ ջեմ
Ինչպես թխել փքաբլիթները
1. Տաքացնել կաթը (հասցնել գոլ վիճակի), ավելացնել մանրացված խմորիչը, 1 ճաշի գդալ ալյուր եւ 1 ճաշի գդալ շաքարավազ: Լավ խառնել եւ այդ ամանը դնել շատ տաք ջրով լցված տարայի մեջ:
2. Մեկ ձու եւ 4 ձվի դեղնուցը շաքարավազով (2 ճաշի գդալ) հարել մինչև թանձր փրփուր ստանալը:
3. Մի բաժակ ալյուրը մաղել, ավելացնել աղը եւ վանիլի շաքարը: Լցնել արդեն պղպջած թթխմորը եւ խառնել: Այնուհետեւ լցնել հարած ձվերը եւ նորից խառնել: Մնում է սպիրտը (օղին) և սառեցված կարագն ավելացնել: Այժմ խմորը խառնել լավ ձեռքերով, մինչեւ դադարի կպչել ձեռքերին:
4. Խմորի գունդը մեծ ամանի մեջ դնել եւ թողնել, որ բարձրանա, սրբիչով ծածկել, թողնել տաք տեղում: Խմորը արագ եւ լավ է բարձրանում:
5. Խմորը սեղանի վրա դրեք: Լավ հունցել և գրտնակել 0.5 սմ հաստությամբ շերտ: Կտրեք շրջանակներ եւ դրեք տախտակի վրա, թողնել 10 րոպե:
6. Լայն կաթսայի մեջ տաքացնել բուսական յուղը (կաթսայում լցված ձեթի բարձրությունը երկու մատների բարձրության պետք է լինի): Կրակը իջեցնել, մի քանի շրջանակ լցնել տաք յուղի մեջ և տապակել երկու կողմից: Ուժեղ կրակ պետք չէ անել, որքան մարմանդ լինի կրակը, այնքան ավելի լավ են թխվում: Պատրաստի բլիթները դնել թղթե անձեռոցիկների վրա, որ ավելորդ յուղը քամվի:
7. Այժմ` ըստ տրամադրության: Ով ունի խմորեղենի ներարկիչ կամ տոպրակ, կարող է փքաբլիթի մեջ ջեմ կամ մուրաբա լցնել: Այնուհետեւ ցանել շաքարի փոշի եւ ուտել:
Բարի ախորժակ
