Այս բաղադրատոմսը պետք է լինի յուրաքանչյուր տանտիկնոջ նշումներում: Այն պարբերաբար կարող է պետք լինել և երբ ցանկանաք հաճույք պատճառել ձեր սիրելիներին: Հիանալի խմոր է, որով կարող եք կարկանդակներ պատրաստել ցանկացած լցոնով: Այս բաղադրատոմսով խմորը պատրաստել կարող է նույնիսկ սկսնակ խոհարարը:
Մթերքներ
- Ալյուր – 3.5 բաժակ
- Մածուն – 1 բաժակ
- Մարգարին – 200 գր
- Ձու – 1 հատ
- Սոդա – 1 թեյի գդալ
- Ձու` կարկանդակի վրա քսելու համար:
Ինչպես պատրաստել խմորը
Քերել մարգարինը, ավելացնել ձուն, ալյուրը: Ավելացնել սոդան մածունին եւ լավ խառնել, թողեք 5 րոպե: Այնուհետև ավելացնել մածունը ալյուրի, ձվի եւ մարգարինի խառնուրդին: Խմորը հունցել եւ թողնել սառնարանում մոտ 1 ժամ: Այնուհետեւ գրտնակեք, ծալեք երկու տակ, նորից գրտնակեք, ևս մի անգամ ծալեք և գրտնակեք այնպես, ինչպես շերտավոր խմորի ժամանակ:
Խմորը բաժանել երկու մասի, մի մասը փռել ձևամանի վրա, վրան ավելացնել լցոնը, դա կարող է լինել մսով և կարտոֆիլով, կամ ցանկացած քաղցր լցոն, ամեն ինչ կախված է ձեր ցանկությունից: Այնուհետև մնացած խմորի շերտով ծածկել կարկանդակը: Վրան ձու քսել, և դնել 200 աստիճան տաքացրած ջեռոցը: Թխել մինչև ոսկեգունելը:
Հաճույքով պատրաստեք: Բարի ախորժակ:
